დავით ჩხენკელის წიგნში განხილული 9 მიმართულება 9 პერსონაჟივით მოქმედებს; ესეიტიკა, რომელიც რომანივით იკითხება და დროდადრო პოეტის დაწერილის შთაბეჭდილებას უტოვებს მკითხველს. საიდან დაიწყო ყველაფერი? არსებობს თუ არა ღმერთ? რა არის სამყაროს, კაცობრიობის, ცნობიერების საწყისი? „მესმის, რომ თავის ტკივილია ყველა კითხვა, რომელზეც წიგნშია საუბარი და იმასაც ვხვდები, რომ თავი არ გვტკივა, თუ მხრებიდან მოვაშორებთ, მაგრამ ეს ერთი შეხედვით ადვილი გზა სირაქლემას პოზაში ყოფნას ჰგავს და სასურველ შედეგს არ იძლევა“. (დ. ჩხენკელი) „ერუდიციით ვერავის გააკვირვებ საქართველოში და ეს წიგნიც განათლებული კაცის დაწერილია, მაგრამ ეს არ არის წიგნი, რომლის წაკითხვის მერეც ვერაფერს გაიგებთ, არამედ ეს არის ცოცხალი წიგნი. დიახ, ავტორის ამ ნაშრომმა შეიძლება უფრო მეტი კითხვები გაგიჩინოთ, ვიდრე პასუხები გაპოვნინოთ, მაგრამ სწორედ ეს არის განათლება დღეს: არა მზამზარეული პასუხების შეთავაზება, არამედ მკითხველისთვის, განსხვავებული აზრების, იდეების და შეხდულებების მიწოდება“. (ლევან ბერძენიშვილი)